Talababa

a Sa pagtataguyod sa Kaharian ng Diyos, ang mga Saksi ni Jehova ay hindi nakikilahok sa pulitika o nagsusulsol ng paghihimagsik laban sa mga pamahalaan ng sanlibutan, maging sa mga lupain na doo’y ipinagbabawal o pinag-uusig ang mga Saksi. (Tito 3:1) Sa halip, sinisikap nilang makapagbigay ng positibo, espirituwal at di-pulitikal na tulong gaya ng ginawa ni Jesus at ng kaniyang mga alagad noong unang siglo. Sinisikap ng mga Saksi na tulungan ang mga taong nakahilig sa katuwiran sa kanilang mga pamayanan na ikapit ang mga kapaki-pakinabang na pamantayan sa Bibliya, gaya ng pagmamahalan sa pamilya, katapatan, kalinisan sa moral, at mabuting asal sa trabaho. Pangunahin na, sinisikap nilang ituro sa kanila kung paano susundin ang mga simulain sa Bibliya at paano aasa sa Kaharian ng Diyos bilang tunay na pag-asa ng sangkatauhan.