Si Nimrod ang nagtatag at naging hari ng unang imperyo na umiral pagkatapos ng Baha. Nakilala siya bilang isang makapangyarihang mangangaso “sa harap ni” (sa negatibong diwa; sa Heb., liph·nehʹ; “laban kay” o “bilang pagsalansang kay”; ihambing ang Bil 16:2; 1Cr 14:8; 2Cr 14:10) o “sa harapan ni” Jehova. (Gen 10:9, tlb sa Rbi8) Bagaman sa kasong ito ay iniuugnay ng ilang iskolar ang isang positibong diwa sa Hebreong pang-ukol na nangangahulugang “sa harapan ni,” ipinahihiwatig ng mga Judiong Targum, ng mga akda ng istoryador na si Josephus, at ng konteksto ng Genesis kabanata 10 na si Nimrod ay isang makapangyarihang mangangaso na salansang kay Jehova.

Hinggil sa kung paano ginawang diyos si Nimrod, tingnan ang DIYOS AT DIYOSA, MGA (Mga Bathala ng Babilonya).