Ano ang pinakamagandang regalo na maibibigay ninyo sa inyong mga anak? Marami silang kailangan, tulad ng inyong pagmamahal, patnubay, at proteksiyon. Pero ang pinakamahalagang regalo na maibibigay ninyo sa kanila ay ang kaalaman tungkol kay Jehova at sa mga katotohanang nasa kaniyang Salita, ang Bibliya. (Juan 17:3) Ang kaalamang iyan ay tutulong sa inyong mga anak na mahalin si Jehova at paglingkuran siya nang buong puso, kahit maliliit pa sila.—Mateo 21:16.

Napansin ng maraming magulang na mas natututo ang mga bata sa maiikling leksiyon at activity. Kaya natutuwa kaming ilabas ang publikasyong ito, Mga Leksiyon Ko sa Bibliya. Ang bawat leksiyon ay nagtuturo sa simpleng paraan. Ang mga larawan at tula ay dinisenyo para sa mga batang edad tatlo pababa. May mga activity rin ito. Ang brosyur na Mga Leksiyon Ko sa Bibliya ay hindi laruan. Ginawa ito para basahin at pag-usapan ninyo ng inyong mga anak.

Tiyak na makatutulong ang publikasyong ito sa pagtuturo ninyo sa inyong mga anak ng katotohanan sa Bibliya “mula sa pagkasanggol.”—2 Timoteo 3:14, 15.

Ang inyong mga kapatid,

Lupong Tagapamahala ng mga Saksi ni Jehova

Sino ang gumawa sa dagat?

Sino ang gumawa sa mundo?

Sino ang lumalang sa akin at sa iyo?

Sino ang gumawa sa mga paruparong makukulay?

Diyos na Jehova ang lumalang sa lahat ng bagay.

ACTIVITY

Basahin sa iyong anak:

Apocalipsis 4:11

Ipaturo sa iyong anak:

Bituin Ulap Araw

Bangka Isda Bahay

Dagat Paruparo

Itanong sa iyong anak:

Ano ang pangalan ng Diyos?

Saan nakatira si Jehova?

Ano ang mga ginawa niya?

Tingnan ang mga hayop na malapit sa arka.

Alin ang tumatahol, at alin ang umuunga?

Lahat ng hayop, maliit at malaki, ay naligtas sa arka ni Noe.

ACTIVITY

Basahin sa iyong anak:

Genesis 7:7-10; 8:15-17

Ipaturo sa iyong anak:

Aso Baboy Elepante

Giraffe Leon Oso

Tupa Unggoy

Zebra Bahaghari

Ipagaya sa iyong anak ang tunog na nagagawa ng:

Aso Baboy Baka

Leon Unggoy

May sakit ang kaibigan ni David.

Kaya sinabi niya: “Alam ko na ang gagawin ko.

Gagawa ako ng sulat para siya ay sumaya, at ako ang magbibigay nito!”

Maging mabait sa iba, at pareho kayong sasaya!

ACTIVITY

Basahin sa iyong anak:

1 Pedro 3:8

Ipaturo sa iyong anak:

Bahay Mesa David

Araw Ibon Puno

Itanong sa iyong anak:

Sino ang kakilala mo na may sakit?

Paano kaya natin siya mapasasaya?

Umuulan.

“Hindi ako makalabas.

Kailan kaya ito hihinto?”

Ang sabi ni Tomoko.

Pero aba!

Lumitaw ang araw.

Nawala ang ulan.

Si Tomoko’y sumaya!

Agad na tumakbo palabas si Tomoko, sa kaniyang nakita, tuwang-tuwa siya.

Kaya sinabi niya, “Namumulaklak pala ang mga halaman kapag Diyos ay nagpaulan!”

ACTIVITY

Basahin sa iyong anak:

Gawa 14:17

Ipaturo sa iyong anak:

Bintana Ibon Tomoko

Puno Bulaklak Bola

Eroplano

Itanong sa iyong anak:

Bakit ginawa ni Jehova ang ulan?

Kapag isang kaibigan ang nagregalo o gumawa ng mabuti sa iyo, ngitian mo siya—at ulitin minsan pa!

Pero nasaan ka man, at anuman ang ginagawa mo, laging tandaan sabihin mong “Salamat sa iyo!”

ACTIVITY

Basahin sa iyong anak:

1 Tesalonica 5:18

Ipaturo sa iyong anak:

Regalo Bata

Pinto Pagkain

Mansanas Telepono

Itanong sa iyong anak:

Bakit mabuting magsabi ng “Salamat”?

Tingnan ang mga kamay, at igalaw ang mga paa.

Ituro ang ilong at saka mga tainga.

Tingnan ang mga binti na gamit sa pagtakbo, sa pagtalon, sa pag-ikot, at sa iba pang mga laro!

Tumingin sa salamin, ano ang nakikita mo?

Kamangha-mangha ang pagkakagawa ni Jehova sa iyo!

ACTIVITY

Basahin sa iyong anak:

Awit 139:14

Ipaturo sa iyong anak ang kaniyang:

Kamay Paa Ilong

Tainga Bibig

Hanapin.

Alimango Pusa

Itanong sa iyong anak:

Sino ang gumawa sa iyo at sa akin?