ITINUTUWID NG BIBLIYA ANG MGA BAGAY-BAGAY

Sinasabi ng ulat ng Genesis tungkol sa paglalang: “Pinasimulang anyuan ng Diyos na Jehova ang tao mula sa alabok ng lupa at inihihip sa mga butas ng kaniyang ilong ang hininga ng buhay, at ang tao ay naging isang kaluluwang buháy.” Ang pananalitang “isang kaluluwang buháy” ay mula sa salitang Hebreo na ne’phesh,a na literal na nangangahulugang “isang nilalang na humihinga.”—Genesis 2:7.

Malinaw na ipinakikita ng Bibliya na ang bawat tao ay hindi nilalang na may imortal na kaluluwa. Sa halip, ang tao mismo ang “kaluluwang buháy.” Iyan ang dahilan kung bakit wala kang mababasa sa Bibliya na pananalitang “imortal na kaluluwa.”