• Papaano Mo Mapangangasiwaan ang Sambahayan?
    Ang Lihim ng Kaligayahan sa Pamilya

    • 16, 17. (a) Anong batas ang ibinigay ni Jehova upang maingatan ang mga Israelita mula sa ilang karamdaman? (b) Papaano maikakapit sa lahat ng sambahayan ang simulain sa Deuteronomio 23:12, 13?

      16 Isaalang-alang ang isa pang halimbawa. Mga 3,500 taon ang nakalipas, ibinigay ng Diyos sa bansang Israel ang kaniyang Batas upang organisahin ang kanilang pagsamba at, sa isang bahagi, ang kanilang pang-araw-araw na buhay. Ang Batas na iyan ay tumulong upang maingatan ang bansa mula sa karamdaman sa pamamagitan ng pagtatatag ng ilang saligang tuntunin ng kalinisan. Ang isa sa batas na ito ay may kinalaman sa pagtatapon ng dumi ng tao, na kailangang wastong ibaon malayo sa kampo upang ang lugar na kinaroroonan ng mga tao ay hindi marumhan. (Deuteronomio 23:12, 13) Ang sinaunang batas na iyan ay nananatiling mabuting payo. Maging sa ngayon ang mga tao’y nagkakasakit at namamatay dahil sa hindi nila ito sinusunod.a

  • Papaano Mo Mapangangasiwaan ang Sambahayan?
    Ang Lihim ng Kaligayahan sa Pamilya

    • a Sa isang manwal na nagpapayo kung papaano maiiwasan ang diarrhea​—isang karaniwang sakit na humahantong sa pagkamatay ng mga sanggol​—ganito ang sabi ng World Health Organization: “Kung walang palikuran: dumumi kayo nang malayo sa bahay, at malayo sa pinaglalaruan ng mga bata, at di-kukulangin sa 10 metro mula sa pinanggagalingan ng tubig; tabunan ng lupa ang dumi.”