1, 2. (a) Anong trabaho ang ginagawa ni Ruth? (b) Anong positibong mga bagay tungkol sa Kautusan ng Diyos at sa Kaniyang bayan ang nakita ni Ruth?

SI Ruth ay nakaluhod sa tabi ng bunton ng mga tangkay ng sebada na natipon niya sa araw na iyon. Kumakagat na ang dilim sa kabukiran ng Betlehem, at maraming trabahador ang umaahon na patungo sa pintuang-daan ng maliit na lunsod na nasa tuktok ng kalapít na bundok. Dahil sa maghapong pagtatrabaho, tiyak na pagód na pagód si Ruth. Gayunman, patuloy pa rin siya sa paghampas sa mga tangkay gamit ang isang kahoy o panlugas para matanggal ang mga butil. Pagód man siya, naging maganda pa rin ang araw na iyon para kay Ruth​—higit pa sa inaasahan niya.

5, 6. (a) Gaano karami ang nahimalay ni Ruth noong unang araw sa bukid ni Boaz? (b) Ano ang reaksiyon ni Noemi nang makita niya si Ruth?

⁵ Matapos hampasin ni Ruth ang mga tangkay at tipunin ang mga butil, nakita niyang nakapaghimalay siya ng mga isang takal na epa, o 22 litro, ng sebada. Posibleng mga 14 na kilo iyon! Maaaring ibinalot niya iyon sa isang tela at saka sinunong. Pagkatapos, umuwi na siya sa Betlehem nang papalubog na ang araw.​—Ruth 2:17.