Nakita natin ang unang hakbang na ginawa ni Abigail upang itama ang napakasamang ginawa ng kaniyang asawa. Di-gaya ni Nabal, handa siyang makinig. Ganito ang sinabi ng kabataang lingkod tungkol kay Nabal: “Napakawalang-kabuluhang tao niya upang kausapin pa siya.”c (1 Samuel 25:17) Nakalulungkot, hindi nakinig si Nabal dahil mataas ang tingin niya sa kaniyang sarili. Karaniwan din sa ngayon ang ganiyang kahambugan. Pero alam ng kabataang lingkod na iba si Abigail, kaya nga siya ang nilapitan nito.