Sa ibang pagkakataon, ang mga Israelita ay maaaring magbigay ng kusang-loob na donasyon. Halimbawa, nang magplano si Haring David na magtayo ng templo para kay Jehova, ang mga sakop niya ay nagbigay ng “ginto na nagkakahalaga ng limang libong talento.”a (1 Cronica 29:7) Iba naman ang napansin ni Jesus nang nasa lupa siya. Nakita niya “ang isang nagdarahop na babaing balo na naghulog doon ng dalawang maliit na barya na napakaliit ng halaga” sa kabang-yaman ng templo. Magkano ito? Mga 1/64 ng isang araw na suweldo. Pero sinabi ni Jesus na katanggap-tanggap ang maliit na halagang ito.​—Lucas 21:1-4.