• Sino ang Pinakamahalaga sa Buhay Mo?
    Ang Bantayan—2011 | Mayo 15

    • 7, 8. Anong mga pagsubok ang napaharap kay Job, at ano ang ipinakita niya sa pamamagitan ng kaniyang tapat na pagbabata?

      7 Pinahintulutan ni Jehova si Satanas na pasapitan si Job ng sunud-sunod na trahedya. (Job 1:12-19) Ano ang reaksiyon ni Job sa pagbabagong ito ng kaniyang kalagayan? Iniulat na si Job ay ‘hindi nagkasala ni nagpatungkol man sa Diyos ng anumang di-wasto.’ (Job 1:22) Pero hindi pa rin tumigil si Satanas. Sinabi naman niya: “Balat kung balat, at ang lahat ng pag-aari ng isang tao ay ibibigay niya alang-alang sa kaniyang kaluluwa.”a (Job 2:4) Pinaratangan ni Satanas si Job na kung buhay na niya mismo ang nasasangkot, hindi na si Jehova ang gagawin niyang pinakamahalaga sa kaniyang buhay.

  • Sino ang Pinakamahalaga sa Buhay Mo?
    Ang Bantayan—2011 | Mayo 15

    • a Para sa ilang iskolar ng Bibliya, ang “balat kung balat” ay nagpapahiwatig na papayag si Job na mawala ang balat, o buhay, ng kaniyang mga anak at mga hayop, basta huwag lang ang kaniyang sariling balat, o buhay. Para naman sa iba, ang pananalitang ito ay nagdiriin na papayag ang isang tao na mawala ang ilang bahagi ng kaniyang balat, mailigtas lang ang buhay niya. Halimbawa, maaaring isangga ng isang tao ang kaniyang braso para protektahan ang ulo niya, anupat nawalan ng ilang bahagi ng balat pero nailigtas naman ang kaniyang balat. Anuman ang ibig sabihin ng pananalitang ito, ipinakikita lang na handang ibigay ni Job ang lahat maliban sa buhay niya.