Nakapagdudulot Ka ba ng Kaginhawahan sa Iba?

MATATAGPUAN sa timugang bahagi ng Kabundukan ng Anti-Lebanon ang maringal na Bundok Hermon, na 2,814 na metro ang taas sa kapantayan ng dagat. Halos sa buong taon, nababalutan ng niyebe ang taluktok ng Hermon. Dahil dito, ang mainit na singaw na dumaraan sa dakong iyon kung gabi ay nagiging hamog na bumabagsak sa mga punong abeto, mga namumungang punungkahoy sa mabababang dalisdis ng bundok, at sa mga ubasan sa paanan ng Hermon. Kapag mahaba noon ang tag-araw sa sinaunang Israel, ang gayong nakapagpapanariwang hamog ay nagiging pangunahing pinagmumulan ng halumigmig para sa mga pananim.

Sa isang awit na kinasihan ng Diyos, ang nakalulugod na pagkakaisa ng mga mananamba ni Jehova ay itinulad sa “hamog sa Hermon na bumababa sa mga bundok ng Sion.” (Awit 133:1, 3) Gaya ng Bundok Hermon na naglalaan ng nakapananariwang hamog sa mga pananim, tayo rin naman ay makapagdudulot ng kaginhawahan sa ating mga nakakasama. Paano natin ito magagawa?

[Mga larawan sa pahina 16]

Ang hamog sa Bundok Hermon​—pinagmumulan ng nakapagpapanariwang halumigmig para sa mga pananim