“Aking pagagalingin sila at isisiwalat sa kanila ang saganang kapayapaan at katotohanan.”​—JEREMIAS 33:6.

3. Bilang katuparan ng mga salita ni Jehova sa pamamagitan ni Jeremias, anong makasaysayang mga pangyayari ang nagturo sa Israel ng ikalawang mahalagang leksiyon tungkol sa kapayapaan?

³ Gayunman, bago bumagsak ang Jerusalem, isiniwalat ni Jehova na siya, hindi ang Ehipto, ang magdadala ng tunay na kapayapaan sa Israel. Sa pamamagitan ni Jeremias ay ipinangako niya: “Aking pagagalingin sila at isisiwalat sa kanila ang saganang kapayapaan at katotohanan. At aking ibabalik ang mga bihag ng Juda at ang mga bihag ng Israel, at aking itatayo sila gaya noong pasimula.” (Jeremias 33:6, 7) Nagsimulang matupad ang pangako ni Jehova noong 539 B.C.E. nang masakop ang Babilonya at ialok ang kalayaan sa mga napatapong Israelita. (2 Cronica 36:22, 23) Nang bandang katapusan ng 537 B.C.E., isang grupo ng mga Israelita ang nagdiwang ng Kapistahan ng mga Kubol sa lupain ng Israel sa kauna-unahang pagkakataon sa loob ng 70 taon! Pagkatapos ng kapistahan, sinimulan nilang itayong-muli ang templo ni Jehova. Ano ang nadama nila tungkol dito? Sinasabi ng ulat: “Sila’y sumigaw ng malakas na sigaw sa pagpuri kay Jehova dahil sa pagkalatag ng pundasyon ng bahay ni Jehova.”​—Ezra 3:11.