10, 11. (a) Anong mga pagpapala ang dumadaloy sa atin gaya ng ilog? (b) Paano lumaki ang daloy ng pagpapala mula kay Jehova para masapatan ang lumalaking pangangailangan sa mga huling araw?

¹⁰ Ilog ng pagpapala. Ipinapaalaala sa atin ng tubig na umaagos mula sa bahay ni Jehova ang lahat ng bagay na nakakabuti sa ating espirituwalidad. Pangunahin na rito ang haing pantubos ni Kristo, ang dahilan kung kaya naging posible ang kapatawaran ng ating mga kasalanan na para bang hinugasan tayo. Ang dalisay na mga katotohanan sa Salita ng Diyos ay itinulad din sa nagbibigay-buhay at nakakalinis na tubig. (Efe. 5:25-27) Paano dumadaloy ang mga pagpapalang ito sa panahon natin?

¹⁷ Ilog ng pagpapala. Ang ilog na ito ay masasabing lalo pang lálaki sa Paraiso, dahil ang ibibigay nitong mga pagpapala ay hindi lang espirituwal kundi pisikal din. Sa Sanlibong Taóng Paghahari ni Jesus, tutulungan ng Kaharian ng Diyos ang mga tapat para higit silang makinabang sa pantubos. Unti-unti silang magiging perpekto! Wala nang mga sakit, at hindi na kailangan ng doktor, nars, ospital, at health insurance! Ang tubig ng buhay ay dadaloy sa milyon-milyong makaliligtas sa Armagedon—ang “isang malaking pulutong” na makaliligtas sa “malaking kapighatian.” (Apoc. 7:9, 14) Pero ang kahanga-hangang mga pagpapalang ito ay parang kaunting tubig lang kung ikukumpara sa darating pang mga pagpapala. Gaya ng ipinakita sa pangitain ni Ezekiel, lálaki ang ilog para masapatan ang lumalaking pangangailangan.

Ang Ilog ng Pagpapala

NOON: Pagbalik ng mga tapon sa lupain nila, umagos sa kanila ang mga pagpapala habang tumutulong sila sa pagbabalik ng dalisay na pagsamba sa templo

NGAYON: Noong 1919, ibinalik ang dalisay na pagsamba, at dumaloy ang napakaraming espirituwal na pagpapala sa tapat na mga lingkod ng Diyos

SA HINAHARAP: Pagkatapos ng Armagedon, dadaloy ang pisikal at espirituwal na pagpapala mula kay Jehova