May iba pa rin na nagmumungkahi na ang “lupain ng Cus” na napalilibutan ng Gihon ay nasa Peninsula ng Arabia, yamang ang pangalang “Cusan” ay ginagamit bilang katumbas ng “lupain ng Midian” sa Habakuk 3:7, anupat ang Midian sa kabuuan ay nasa kapaligiran ng Gulpo ng ʽAqaba. Posibleng ang Arabeng “Cus” na iyon ang tinutukoy nang ang Midianitang asawa ni Moises na si Zipora ay tawaging isang “Cusita.”​—Exo 18:1-5; Bil 12:1.

Ang Cusan ay lumilitaw sa Habakuk 3:7 bilang katumbas ng “lupain ng Midian” at sa gayon ay maliwanag na isa pang pangalan ng Midian o nauugnay sa isang kalapit na bansa. Gaya ng ipinakikita sa artikulong CUS (Blg. 2), waring ang ilang inapo ni Cus ay namayan sa Peninsula ng Arabia; at ang pangalang Kusi o Kushim ay ginamit noong sinauna upang ilarawan ang ilang bayang Arabe ng rehiyong iyon.