Sa wakas, si Jesus ay nagbibigay ng kaakit-akit na paanyaya: “Pumarito kayo sa akin, lahat kayong nagpapagal at nabibigatang lubha, at kayo’y pagpapahingahin ko. Pasanin ninyo ang aking pamatok at kayo’y maging mga alagad ko, sapagkat ako’y maamo at mapagpakumbabang puso, at masusumpungan ninyo ang kapahingahan ng inyong mga kaluluwa. Sapagkat malambot ang aking pamatok at magaan ang aking pasan.”

Ang malambot na pamatok na iniaalok ni Jesus ay isang lubos na pag-aalay ng sarili sa Diyos, ang paglilingkod sa ating maawain at mahabaging Ama sa langit. At ang magaan na pasan na iniaalok ni Jesus sa mga lumalapit sa kaniya ay yaong pagsunod sa mga kahilingan ng Diyos ukol sa buhay, ang Kaniyang mga utos, na hindi naman mabibigat. Mateo 11:16-30; Lucas 1:15; 7:31-35; 1 Juan 5:3.