Sinabi ni Jesus: “Manalangin kayo, kung gayon, sa ganitong paraan: ‘Ama namin na nasa langit, pakabanalin nawa ang iyong pangalan. Dumating nawa ang iyong kaharian. Mangyari nawa ang iyong kalooban, kung paano sa langit, gayundin sa lupa. Ibigay mo sa amin ngayon ang aming tinapay para sa araw na ito; at patawarin mo kami sa aming mga pagkakautang, kung paanong pinatawad din namin ang mga may utang sa amin. At huwag mo kaming dalhin sa tukso, kundi iligtas mo kami mula sa isa na balakyot.’”​—Mateo 6:9-13.

“Patawarin mo kami sa aming mga pagkakautang, kung paanong pinatawad din namin ang mga may utang sa amin.” Dito, ang “pagkakautang” ay tumutukoy sa “kasalanan.”c Obligasyon nating lahat na sumunod sa Diyos. Kaya kapag sumusuway tayo sa kaniya, o nagkakasala, para tayong nagkakautang. Pero handa si Jehova na patawarin ang utang na iyon kapag pinatatawad natin ang mga nagkakasala sa atin.​—Mateo 18:21-35.