3, 4. Paano pinili ni Maria ang “mabuting bahagi”? Anong aral ang natutuhan ni Marta? (Tingnan ang larawan sa simula ng artikulo.)

³ Dahil sa pagkamapagpatuloy nina Marta at Maria, binigyan sila ni Jesus ng espirituwal na regalo. Sinamantala ni Maria ang pagkakataong matuto mula sa Dakilang Guro. Umupo siya “sa paanan ng Panginoon . . . , na nakikinig sa kaniyang salita.” Puwede rin sanang ganoon ang ginawa ni Marta. Tiyak na papupurihan siya ni Jesus dahil ibinigay niya ang kaniyang buong atensiyon.