“Ang Kautusan at ang mga Propeta ay ipinahayag hanggang sa panahon ni Juan. Mula noon, ang Kaharian ng Diyos ay ipinahahayag bilang mabuting balita, at bawat uri ng tao ay nagsisikap nang husto na makapasok doon. Oo, mas posible pang mawala ang langit at lupa kaysa mawala ang kahit isang letra sa Kautusan nang hindi natutupad.” (Lucas 3:18; 16:16, 17) Paano ipinakikita ng mga salita ni Jesus na may magbabago?

Natupad na ang layunin ng Kautusang Mosaiko; umakay ito sa Mesiyas. At magwawakas na ang pagsunod sa Kautusan. Halimbawa, pinapayagan ng Kautusan ang diborsiyo sa iba’t ibang saligan, pero sinasabi ngayon ni Jesus na “ang sinumang nakikipagdiborsiyo sa kaniyang asawang babae at nag-aasawa ng iba ay nangangalunya, at ang sinumang nag-aasawa ng babaeng diniborsiyo ng asawa nito ay nangangalunya.” (Lucas 16:18) Nagpuputok ang butse ng panatikong mga Pariseo sa sinabing iyan ni Jesus!