Gaya ng ipinahihiwatig ng Bibliya, masasabing mahirap sina Jose at Maria. Paano natin nalaman? Isa sa mga impormasyong binanggit sa mga Ebanghelyo​—Mateo, Marcos, Lucas, at Juan​—tungkol sa mag-asawang ito ay nagsasabing 40 araw matapos manganak si Maria, siya at si Jose ay nagpunta sa templo para maghandog ayon sa hinihiling ng kautusan​—“isang pares ng batu-bato o dalawang inakáy na kalapati.”a (Lucas 2:22-24) Ang haing ito ay inihahandog lamang ng mahihirap na hindi kayang maghain ng batang lalaking tupa. Kaya malamang na nagsusumikap sina Jose at Maria para makaraos sa buhay. Sa kabila nito, nagawa nilang maging maligaya ang kanilang pamilya at punô ng pagmamahalan. Walang-alinlangan na pangunahin sa kanila ang pagsamba sa Diyos.​—Deuteronomio 6:6, 7.