• “Nagpasiya Kaming Lahat”
    ‘Lubusang Magpatotoo Tungkol sa Kaharian ng Diyos’

    • 9. Anong pakinabang ang idudulot ng iminungkahi ni Santiago?

      9 Maganda ba ang iminungkahi ni Santiago? Tiyak na maganda, dahil sumang-ayon dito nang maglaon ang mga apostol at matatandang lalaki. Anong mga pakinabang ang idudulot nito? Sa isang banda, hindi na nito ‘pahihirapan,’ o ‘bibigyan ng pabigat,’ ang mga Kristiyanong Gentil dahil hindi naman sila inuutusang sundin ang mga kahilingan sa Kautusang Mosaiko. (Gawa 15:19; Ang Biblia—Bagong Salin sa Pilipino) Sa kabilang banda, isinasaalang-alang nito ang konsensiya ng mga Judiong Kristiyano, na maraming taon nang nakikinig sa “mga sinabi ni Moises [na] binabasa nang malakas sa mga sinagoga tuwing sabbath.”b (Gawa 15:21) Ang mungkahing iyon ay magpapatibay sa ugnayan ng mga Kristiyanong Judio at Gentil. Higit sa lahat, mapalulugdan nito ang Diyos na Jehova, yamang kaayon ito ng kaniyang layunin. Isa nga itong napakainam na paraan ng paglutas sa isang suliraning muntik nang sumira sa pagkakaisa at kapayapaan ng bayan ng Diyos! At isa nga itong napakahusay na halimbawa para sa kongregasyong Kristiyano sa ngayon!

  • “Nagpasiya Kaming Lahat”
    ‘Lubusang Magpatotoo Tungkol sa Kaharian ng Diyos’

    • b May katalinuhang tinukoy ni Santiago ang mga sinabi ni Moises, na binubuo hindi lang ng Kautusan, kundi pati na ng ulat tungkol sa pakikitungo ng Diyos at sa iba pang bagay na nagpapakita ng kalooban ng Diyos bago pa ibigay ang Kautusan. Halimbawa, malinaw na makikita sa Genesis ang pananaw ng Diyos tungkol sa dugo, pangangalunya, at idolatriya. (Gen. 9:3, 4; 20:2-9; 35:2, 4) Sa ganitong paraan, nakapagbigay si Jehova ng mga prinsipyo na dapat sundin ng lahat ng tao, Judio man o Gentil.