▪ Sumulat si Pablo: “[Inaakay tayo ng] Diyos . . . sa isang prusisyon ng tagumpay kasama ng Kristo at sa pamamagitan natin ay nagpapabatid ng amoy ng kaalaman tungkol sa kaniya sa bawat dako! Sapagkat sa Diyos tayo ay mabangong amoy ni Kristo sa gitna niyaong mga inililigtas at sa gitna niyaong mga nalilipol; sa mga huling nabanggit ay isang amoy na nanggagaling sa kamatayan tungo sa kamatayan, sa mga unang nabanggit ay isang amoy na nanggagaling sa buhay tungo sa buhay.”​—2 Corinto 2:14-16.

Ang “mabangong amoy ni Kristo” na sagisag ng buhay para sa ilan at kamatayan naman para sa iba ay “malamang na nakuha sa kaugaliang Romano na pagsusunog ng insenso habang nagpuprusisyon,” ang sabi ng The International Standard Bible Encyclopedia. “Ang mabangong amoy na sagisag ng tagumpay para sa mga manlulupig ay nagpapaalaala sa mga bihag na malamang na malapit na silang patayin.”a