11. Paano ipinaliwanag ni apostol Pablo ang nangyari sa likas na mga inapo ni Abraham?

¹¹ Ipinaliliwanag ni apostol Pablo ang bagay na iyan sa atin, na sinasabi: “Nasusulat na si Abraham ay nagkaroon ng dalawang anak na lalaki, ang isa’y sa aliping babae [si Hagar] at ang isa’y sa babaing malaya [si Sara]; subalit ang anak sa alipin ay ipinanganak ayon sa laman, ang anak naman sa babaing malaya ay sa pamamagitan ng pangako. Ang mga bagay na ito’y nagsisilbing isang makasagisag na dula; sapagkat ang mga babaing ito ay nangangahulugan ng dalawang tipan, ang isa’y mula sa Bundok ng Sinai, na nag-aanak para sa pagkaalipin, at ito’y si Hagar. Ngayon ang Hagar na ito ay nangangahulugan na Sinai, isang bundok sa Arabia, at siya’y katumbas ng Jerusalem ngayon, sapagkat siya’y nasa pagkaalipin kasama ng kaniyang mga anak. Ngunit ang Jerusalem sa itaas ay malaya, at siyang ina natin.”​—Galacia 4:22-26.

13. (a) Ano ang lumalarawan sa asawa ni Abraham, si Sara? (b) Bakit ang “Jerusalem sa itaas” ay maaaring tawaging “malaya”?

¹³ Sa kabilang dako, “ang Jerusalem sa itaas” ang di-nakikitang makalangit na organisasyon ni Jehova. Kasuwato nito, ito ay maaaring ilarawan ng isang babae, ni Sara, ang tunay na asawa ni Abraham. Ang tipang Batas ay hindi ginawa sa organisasyong ito, kaya “ang Jerusalem sa itaas” ay malaya, tulad ni Sara noong una. Ito ang organisasyon na nagbubunga ng ipinangakong “binhi,” at iyan ang dahilan kung bakit matatawag ito ni apostol Pablo na “ina natin.”

14. Ang tipang Abrahamiko ba ay kumakapit sa “Jerusalem sa itaas,” at ano kung gayon ang maaaring itawag sa inianak-sa-espiritung mga alagad ni Jesu-Kristo?

¹⁴ Kung gayon, ang tipang Abrahamiko ay kumakapit nga sa kaniya bilang ang simbolikong asawa ng Lalong-dakilang Abraham, oo, sa pansansinukob na organisasyon ni Jehova roon sa mga langit. Samakatuwid ang inianak-sa-espiritung mga alagad ni Jesu-Kristo ay, gaya ni apostol Pablo, mga anak na lalaki, o mga anak, ng tipang Abrahamiko. Si Pablo ay nangangatuwiran pa, na sinasabi: