• Ipagpatuloy Mo ang Pag-aaral ng Bibliya
    Masayang Buhay Magpakailanman—Isang Pag-aaral sa Bibliya

    • 4. Gawing priyoridad ang pag-aaral ng Bibliya

      Minsan, sa sobrang busy natin, wala na tayong panahon sa pag-aaral ng Bibliya. Ano ang makakatulong sa iyo? Basahin ang Filipos 1:10. Pagkatapos, talakayin ang mga tanong na ito:

      • Para sa iyo, ano “ang mas mahahalagang bagay” sa buhay?

      • Paano mo uunahin sa iskedyul mo ang pag-aaral ng Bibliya?

      A. Mga larawan: Larawan ng isang timba na pinupuno ng mga bato at buhangin. 1. Buhangin at mga bato. 2. Timba na halos puno na ng buhangin. 3. Malalaking bato na nasa loob ng timba at ang iba ay nasa labas ng timba. B. Mga larawan: 1. Buhangin at mga bato. 2. Timba na halos puno na ng mga bato. 3. Buhangin na nagkasya sa timba. Kaunting buhangin na hindi nagkasya sa timba.

      1. Kapag inuna mong ilagay ang buhangin sa isang timba, hindi na magkakasya ang mga bato

      2. Pero kapag inuna mong ilagay ang mga bato bago ang buhangin, mas marami kang mailalagay. Kapag inuna mo rin “ang mas mahahalagang bagay” sa buhay mo, mas marami kang matatapos at magkakaroon ka pa ng panahon para sa ibang bagay

      Kailangan natin ang Diyos. At kapag nag-aaral ka ng Bibliya, nasasapatan ang pangangailangan mo na kilalanin at sambahin siya. Basahin ang Mateo 5:3. Pagkatapos, talakayin ang tanong na ito:

      • Ano ang pakinabang kapag ginagawa nating priyoridad ang pag-aaral ng Bibliya?