Para maunawaan natin kung gaano kadakila ang papel ni Jesus, gumamit ang Bibliya ng iba’t ibang titulo at mga pangalan upang ilarawan siya. Tinutulungan tayo nito na maunawaan ang maraming pakinabang na dumarating sa atin dahil sa ginawa ni Jesus, sa ginagawa niya, at sa gagawin pa niya para sa atin. (Tingnan ang kahong “Mahalagang Papel ni Jesus”.) Oo, binigyan si Jesus ng “pangalang nakahihigit sa lahat ng iba pang pangalan.”a Ibinigay na sa kaniya ang lahat ng awtoridad sa langit at sa lupa.​—Filipos 2:9; Mateo 28:18.