Napakasaya ngang mapabilang sa isang maibigin at nagkakaisang pamilya! Stor·geʹ ang salitang Griego na madalas gamitin upang tukuyin ang likas na pagmamahal ng magkakapamilya. Sinisikap ng mga Kristiyano na ibigin ang kanilang kapamilya. Inihula ni Pablo na sa mga huling araw, marami ang “walang likas na pagmamahal.”b​—2 Tim. 3:1, 3.

Nakalulungkot, sa sanlibutang ito, kitang-kita na walang likas na pag-ibig ang magkakapamilya. Bakit napakaraming babae ang nagpapalaglag? Bakit napakaraming pamilya ang walang malasakit sa kanilang matatanda nang magulang? Bakit patuloy na dumarami ang mga nagdidiborsiyo? Dahil wala silang likas na pagmamahal.