Posible bang magkaroon ng mabuting personal na kaugnayan sa Diyos kung ating ipagwawalang-bahala ang kaniyang mga utos? Ang isa sa mga utos na ito ay na tayo’y dapat na makipagtipon kasama ng ating mga kapananampalataya.​—Heb. 10:24, 25.

Sabihin pa, kung babasahin ng isa ang Bibliya nguni’t hindi ikinakapit sa kaniyang buhay, hindi siya makikinabang. Kung ito’y kaniyang pinaniniwalaan at ikinakapit, tiyak na makikisama siya sa mga lingkod ng Diyos sa regular na mga pulong ng kongregasyon. (Heb. 10:24, 25) Siya’y makikisama din sa kanila sa pangangaral ng “mabuting balita” sa ibang mga tao.​—1 Cor. 9:16; Mar. 13:10; Mat. 28:19, 20.