Pero sino ang tinutukoy na “Gog at Magog” sa Apocalipsis 20:8? Sa panahon ng huling pagsubok pagkatapos ng 1,000 taon, ang mga magrerebelde kay Jehova ay kakikitaan ng mapamaslang na saloobing gaya ng kay ‘Gog ng Magog,’ ang mga bansang aatake sa bayan ng Diyos bago ang Armagedon. At pareho ang kahihinatnan ng dalawang grupong ito—walang-hanggang kamatayan! (Apoc. 19:20, 21; 20:9) Kaya ang mga magrerebelde pagkatapos ng Milenyo ay angkop na tawaging “Gog at Magog.”