Mga Saksi ni Jehova na Nakabilanggo Dahil sa Kanilang Pananampalataya—Ayon sa Lokasyon

Mga Saksi ni Jehova na nakabilanggo dahil sa kanilang pananampalataya—Abril 2025

Ang “karapatan sa kalayaan ng pag-iisip, konsensiya, at relihiyon” ay isang pangunahing karapatang pantao, ayon sa Article 18 ng International Covenant on Civil and Political Rights.a Pero sa ilang lupain, ipinagkakait sa mga Saksi ni Jehova ang karapatang ito, at ibinibilanggo sila at pinagmamalupitan pa nga. Karamihan sa mga nakabilanggo ay inaresto dahil lang sa kanilang gawain na may kaugnayan sa pagsamba. Ang iba naman ay ibinibilanggo dahil sa pagtanggi nilang magsundalo udyok ng konsensiya.