Awit 135
Jehova, Tahanang Dako Natin
1. O Jah, tirahang dako namin
Sa nagdaang mga lahi.
Kadakilaan mo’y tatag nang
Bundok, burol di pa yari.
Walang hanggan ka, O Jehova;
Ika’y walang pagbabago.
Kahit na tao ay madurog,
Pag-ibig mo ang saklolo.
2. Ang sanlibong taong lumipas,
Sa iyo’y kakahapon lamang.
Tao’y damo ang siyang katulad,
Parang hamog, napaparam.
Mga pitumpu o walumpu
Ang bilang ng aming buhay;
Nguni’t lipos ng kahirapan,
At may mga hapdi’t lumbay.
3. Turuan mo kaming bumilang,
Ng araw na lumilipas.
Puso namin nawa’y marunong,
Puri sa iyo’y ibulalas.
Gandang loob mo, O Jehova,
Mga lingkod mo ay bigyan.
Gawain nami’y patibayin;
Inyo nawang patnubayan.