Awit 161
Manalangin kay Jehova Araw-araw
1. Araw-araw manalangin kay Jah.
Iyo’y pribilehiyo natin talaga.
Sa kanya’y may layang magsumamo;
Siya’y Ama natin na sinusuyo.
Manalangin sa tuwina.
2. Araw-araw manalangin kay Jah,
Tawad hilingin mula sa kanya.
Sa lahat ng tukso siya’y alalay;
Upang huwag na tayong manlupaypay.
Manalangin sa tuwina.
3. Araw-araw manalangin kay Jah.
Puso mo’y hindi mababalisa.
Ang pasan mo’y sa kanya iatang;
Ang pagpapalang ito’y kakamtan.
Manalangin sa tuwina.
4. Araw-araw manalangin kay Jah.
Purihin at pasalamatan siya.
Dumulog sa kanya nang taimtim;
At ang kabutihan niya’y lasapin.
Manalangin sa tuwina.