Awit 207
Tayo ba’y Kanino?
1. Ikaw ba’y kanino?
Sino ba ang Diyos mo?
Kung sinong niyuyukuran
Ang siyang pinaglilingkuran.
Kung dalawa ang diyos
Ika’y salawahan;
Ang katapatan paghahatian,
Kapwa’y di masisiyahan.
2. Ikaw ba’y kanino?
Sinong iyong susundin?
Isa ay huwad, isa’y tunay,
Pumili ka’t huwag maghintay.
Kay Cesar ba ukol
Ang iyong katapatan?
O Diyos susundin at tutuparin
Ang kanyang kalooban?
3. Ako ba’y kanino?
Jehova’y susundin.
Siya’y Diyos na paglilingkuran;
Panata’y di tatalikdan.
Ako ay binili;
Sa Diyos maglilingkod.
Hain ni Jesus sa ’ki’y tumubos;
Ako’y di tatalikod.
4. Lahat tayo’y sa Diyos!
Walang alinlangan.
Pagkakaisang inihula
Atin ngayong nadarama.
Tulad sa langis ng
Saserdoteng hirang,
O kay buti ng pagsasamahan;
Tayo’y magpatibayan.