Mga Patalastas

◼ Alok na literatura sa Hunyo: Life—How Did It Get Here? By Evolution or by Creation?, malaking edisyon sa ₱60.00, maliit na edisyon sa ₱30.00. (Para sa mga hindi nagsasalita ng Ingles, Ang Bibliya—Salita ng Diyos o ng Tao? ay maaaring ialok bilang kahalili sa ₱20.00.) Hulyo at Agosto: Alinman sa mga brosyur sa ₱6.00. Setyembre: Ang aklat na Mabuhay Magpakailanman ay gagamitin, at dapat gumawa ng pagsisikap na makapagsimula ng mga pag-aaral sa Bibliya. Ang malaking edisyon sa ₱60.00 at ang maliit na edisyon sa ₱30.00. PANSININ: Ang mga kongregasyong hindi pa nakapipidido ng mga babasahin para sa kampanya gaya ng nasa itaas ay dapat gumawa ng gayon sa kanilang susunod na buwanang Literature Order Form (S-AB-14).

◼ Ang punong tagapangasiwa o sinumang inatasan niya ay dapat na mag-audit sa kuwenta ng kongregasyon sa Hunyo 1, o karaka-raka pagkatapos nito hangga’t maaari. Gumawa ng patalastas sa kongregasyon kapag naisagawa na ito.

◼ Dapat tandaan na ang Hunyo 12, at Hulyo 4, 1995 ay tiyak na magiging mga pista opisyal. Kung gayon makabubuting isaayos ng mga kongregasyon ang pantanging araw ng magasin.

◼ Upang maabot ang lahat sa ating komunidad ang Samahan ay nag-imprenta ng mga publikasyon sa maraming wika. Nais naming ipagbigay-alam na marami kaming suplay sa tanggapang pansangay ng sumusunod na publikasyon na maaaring pididuhin ng alinmang kongregasyong nangangailangan nito.

Brosyur: “Narito! Ginagawa Kong Bago ang Lahat ng mga Bagay”—Arabic, Ibanag

Tamasahin ang Buhay sa Lupa Magpakailanman!—Samal, Tausog

Ano ang Layunin ng Buhay? Paano Mo Masusumpungan—Arabic

Bukleta: “Ang Mabuting Balitang Ito ng Kaharian”—Ifugao, Tausog

Pag-aaral ng Kongregasyon sa Aklat

Eskedyul para sa mga pag-aaral ng kongregasyon sa aklat na Apocalipsis—Malapit na ang Dakilang Kasukdulan Nito!

Hunyo 5-11: Kab. 14, ¶1-11

Hunyo 12-18: Kab. 14, ¶12-22

Hunyo 19-25: Kab. 14, ¶23–Kab. 15, ¶8

Hun. 26–Hul. 2: Kab. 15, ¶9-19

Ulat ng Paglilingkod sa Pebrero

Abe. Abe. Abe. Abe.

Bilang ng: Oras Mag. P-M. P.B.

Sp. Pio. 666 129.3 29.1 40.7 6.3

Reg. Pio. 17,250 74.6 15.9 19.4 3.0

Aux. Pio. 3,494 52.0 13.0 10.1 1.5

Mam. 98,139 8.8 2.5 2.3 0.4

KAB. BLG. 119,549 Nabautismuhan: 242

Gamiting Mabuti ang Inyong Panahon

¹ Si Jehova ay palaisip sa panahon. Nais din niyang tayo’y maging gising sa panahon. Sa pamamagitan ng kaniyang organisasyon tayo’y tinutulungan niyang maging palaisip sa panahon. Tayo’y hinihimok na laging “maraming ginagawa sa gawain ng Panginoon.” (1 Cor. 15:58) Sa ganitong paraan, tayo’y higit na magiging mabisa sa paglilingkod kay Jehova.

² Bawat isa sa atin ay may magkakatulad na panahon bawat linggo​—168 oras. Gaano kabuti natin ginagamit ang panahon? Ipinakikita ba natin na alam natin kung anong panahon ito mula sa pangmalas ni Jehova? Tayo ba’y nagagambala ng di-mahahalagang gawain?

³ Mahalagang tayo ay maging organisadong mabuti. Sinisikap ng marami na mapanatili ang isang listahan ng dapat unahin. Bawat bagay ay inilalagay alinsunod sa kahalagahan nito. Papaano matitiyak ito? Sinasabi ng Bibliya na dapat na may “makitang mabuti ang bawat tao sa lahat niyang pagpapagal.” (Ecles. 3:13) Ang ilang gawain ay nagluluwal ng mas mabuting resulta kaysa sa iba. Isaalang-alang ang mga resulta na idudulot ng bawat isa. Ang pagtapos ba sa trabaho ay magdudulot ng malalaking kapakinabangan? Ikaw kaya’y may “makitang mabuti” sa iyong pagpapagal? Kung hindi, marahil iyo’y hindi masyadong mahalaga.

⁴ Sa Ating Ministeryo: Pinahahalagahan natin kapag dumarating nang nasa oras ang iba para sa paglilingkod, matamang nakikinig sa mga tagubilin, at karaka-rakang umaalis patungo sa teritoryo. Nanaisin nating tayo’y maging abala sa pangangaral kaysa sa paghihintay. Maliwanag na nadama ni Pablo ang malaking pangangailangan para sa mabuting kaayusan nang siya’y sumulat: “Ang lahat ng bagay ay maganap nawa nang disente at ayon sa kaayusan.”​—1 Cor. 14:40.

⁵ Kapag tayo’y nasa paglilingkod sa larangan, maaaring maiwala natin ang mahalagang oras sa panahon ng pagkakape. Gayunpaman, ang maikling pahinga ay maaaring kunin pagkatapos gumawa ng ilang oras sa paglilingkod. O marahil kapag masama ang kalagayan ng panahon, ang paghinto ay makagiginhawa sa atin at makatutulong upang tayo’y makapagpatuloy. Gayunman, pinipili ng marami na maging abala sa pagpapatotoo sa mga tao at iniiwasan ang pakikipagsosyalan sa oras ng pagkakape sa panahong nakatakda sa ministeryo. Kailangan ang pagiging timbang.

⁶ “Nalalaman ng cigueña . . . ang kaniyang itinakdang kapanahunan” upang mangibang-bayan, at ang langgam ay “naghahanda ng kaniyang pagkain sa tag-init” upang maging handa para sa taglamig, wika ng Bibliya. (Jer. 8:7; Kaw. 6:​6-8) Naroroon ang lihim sa paggamit na mabuti ng panahon. Kailangan din nating ‘malaman ang ating itinakdang panahon.’ Kahit na walang labis na paghihigpit, dapat tayong maging palaisip sa panahon. Kailangan nating mabatid na hindi lamang kung ano ang dapat nating gawin kundi kailan ito kailangang gawin. Dapat tayong magkaroon ng ugaling nag-iisip ng patiuna, na gumagawa ng ilang pataan para sa posibleng pagkaantala. At dapat nating handang paikliin ang ilang gawain upang paglaanan ng panahon ang lalong mahahalagang bagay, gaya ng paghahanda para sa ating mga pulong, ministeryo sa larangan, at iba pang teokratikong gawain.

⁷ Nais nating maging gaya ng ating makalangit na Ama, ang Diyos na Jehova, na nagtuturo sa atin na “sa bawat bagay ay may takdang panahon.” (Ecles. 3:1) Sa mabuting paggamit ng ating panahon, maaari nating ‘ganapin nang lubusan ang ating ministeryo.’​—2 Tim. 4:5.