Ano ang Aking Pananaw Tungkol sa Blood Fractions at sa Paggamot na Ginagamitan ng Sarili Kong Dugo?

Ingatan

Ano ang Aking Pananaw Tungkol sa Blood Fractions at sa Paggamot na Ginagamitan ng Sarili Kong Dugo?

Ang Bibliya ay nag-uutos sa mga Kristiyano na “umiwas sa . . . dugo.” (Gawa 15:20) Kaya ang mga Saksi ni Jehova ay hindi nagpapasalin ng purong dugo o ng apat na pangunahing sangkap ng dugo—pulang selula ng dugo, puting selula ng dugo, platelet, at plasma. Hindi rin sila nag-aabuloy ng dugo ni nag-iimbak man ng sarili nilang dugo para maisalin ito.—Lev. 17:13, 14; Gawa 15:28, 29.

Ano ba ang blood fractions, at bakit kailangang magpasiya ang bawat Kristiyano sa paggamit nito?

Ang blood fractions ay maliliit na sangkap ng dugo na nakukuha sa pamamagitan ng prosesong tinatawag na fractionation. Halimbawa, ang plasma, isa sa apat na pangunahing sangkap ng dugo, ay maaaring hatiin sa sumusunod na mga substansiya: tubig, mga 91 porsiyento; protina, tulad ng albumin, globulin, fibrinogen, mga 7 porsiyento; at iba pang substansiya, tulad ng mga nutriyente, hormon, gas, bitamina, waste product, at electrolyte, mga 1.5 porsiyento.

Kasama ba ang fractions na ito sa utos na umiwas sa dugo? Hindi natin masabi. Walang espesipikong tagubilin ang Bibliya tungkol sa blood fractions.a Siyempre pa, maraming fractions ang nakukuha sa dugong iniaabuloy para sa paggamot. Dapat magpasiya ayon sa budhi ang bawat Kristiyano kung tatanggapin niya o tatanggihan ang paggamot na ginagamitan ng mga substansiyang ito.

Kapag nagpapasiya, isaalang-alang ang mga tanong na ito: Alam ko ba na kapag tinanggihan ko ang lahat ng blood fractions, tinatanggihan ko rin ang ilang paggamot, tulad ng ginagamit para masugpo ang ilang virus at sakit o yaong tumutulong na mamuo ang dugo upang huminto ang pagdurugo? Maipaliliwanag ko ba sa doktor kung bakit tinatanggihan o tinatanggap ko ang paggamit ng ilang blood fractions?

Bakit ang ilang paggamot na ginagamitan ng sarili kong dugo ay personal na pasiya?

Bagaman ang mga Kristiyano ay hindi nag-aabuloy o nag-iimbak ng kanilang sariling dugo para isalin, di-gaanong malinaw kung salungat sa mga simulain ng Bibliya ang ilang paggamot o test na ginagamitan ng sariling dugo ng indibiduwal. Kung gayon, dapat magpasiya ayon sa budhi ang bawat indibiduwal kung tatanggapin niya o tatanggihan ang ilang paggamot na ginagamitan ng sarili niyang dugo.

Kapag nagpapasiya, itanong sa iyong sarili ang sumusunod: Kung ililihis mula sa aking katawan ang dugo ko at sandaling mapuputol ang pagdaloy nito, ituturing ba ng aking budhi na bahagi pa rin ng katawan ko ang dugong iyon, anupat hindi na kailangang ‘ibuhos sa lupa’? (Deut. 12:23, 24) Mababagabag kaya ang aking budhing sinanay sa Bibliya kung sa panahon ng gamutan ang aking dugo ay kukunin, aayusin, at ibabalik sa aking katawan? Alam ko ba na kapag tinanggihan ko ang lahat ng paggamot na ginagamitan ng sarili kong dugo, tinatanggihan ko rin ang paggamot na tulad ng dialysis o paggamit ng heart-lung machine? Nanalangin ba muna ako bago magpasiya sa bagay na ito?b

Anu-ano ang personal kong pasiya?

Tingnan ang dalawang work sheet sa sumusunod na pahina. Nakalista sa Work Sheet 1 ang ilang maliliit na sangkap na nakukuha sa dugo at kung paano karaniwang ginagamit ang mga ito sa medisina. Isulat ang iyong personal na pasiya kung tatanggapin mo o tatanggihan ang paggamit ng bawat fraction na ito. Nakalista sa Work Sheet 2 ang ilang karaniwang paggamot na ginagamitan ng sarili mong dugo. Isulat ang personal mong pasiya kung tatanggapin mo o tatanggihan ang paggamot na ito. Ang mga work sheet na ito ay hindi legal na dokumento, pero magagamit mo ang iyong mga sagot dito para mapunan mo ang iyong DPA (durable power of attorney) card.

Dapat na ikaw mismo ang magpasiya at hindi ang ibang tao. Gayundin, walang dapat kumuwestiyon sa pasiya ng kapuwa niya Kristiyano. Sa mga bagay na ito, “ang bawat isa ay magdadala ng kaniyang sariling pasan.”—Gal. 6:4, 5.

[Mga Talababa]

a May makatutulong na impormasyon sa paksang ito sa isyu ng Hunyo 15, 2004 ng Ang Bantayan, pahina 29-31.

b May makatutulong na impormasyon sa paksang ito sa isyu ng Oktubre 15, 2000 ng Ang Bantayan, pahina 30-1, at ang Transfusion Alternatives—Documentary Series—On DVD.

WORK SHEET 1

DI-TINATANGGAP NG MGA KRISTIYANO

ANG IYONG PERSONAL NA PASIYA

PURONG DUGO

FRACTIONS

Mga Bagay na Dapat Mong Pagpasiyahan

PLASMA

ALBUMIN—HANGGANG 4% NG PLASMA

Protinang nakukuha sa plasma. May mga uri ng albumin na matatagpuan din sa mga halaman, pagkain, tulad ng gatas at itlog, at sa gatas ng ina. Ang albumin na mula sa dugo ay ginagamit kung minsan sa mga volume expander para gamutin ang shock at matinding pagkapaso. Ang mga ito ay naglalaman ng hanggang 25 porsiyento ng albumin. Ginagamit din ang kaunting albumin sa paggawa ng maraming iba pang gamot, kasali na ang erythropoietin (EPO).

____ Tinatanggap ko ang albumin

____ Tinatanggihan ko ang albumin

IMMUNOGLOBULINS—HANGGANG 3% NG PLASMA

Maliliit na sangkap ng protina na maaaring gamitin sa ilang gamot na panlaban sa mga virus at sakit, tulad ng dipterya, tetanus, viral hepatitis, at rabis. Maaari din itong igamot sa ilang sakit na banta sa buhay ng sanggol na nasa sinapupunan pa at bilang panlaban sa epekto ng kamandag ng ahas o ng gagamba.

____ Tinatanggap ko ang immunoglobulin

____ Tinatanggihan ko ang immunoglobulin

CLOTTING FACTORS—WALA PANG 1% NG PLASMA

Maraming protina ang tumutulong na mamuo ang dugo para huminto ang pagdurugo. Ibinibigay ito sa mga pasyenteng mabilis magdugo. Ginagamit din ito sa medical glue para isara ang sugat at ihinto ang pagdurugo pagkatapos ng operasyon. Ang isang kombinasyon ng clotting factor ay tinatawag na cryoprecipitate. Pansinin: May mga clotting factor ngayon na hindi mula sa dugo.

____ Tinatanggap ko ang clotting factor na mula sa dugo

____ Tinatanggihan ko ang clotting factor na mula sa dugo

PULANG SELULA

HEMOGLOBIN—33% NG PULANG SELULA

Protinang naghahatid ng oksiheno sa buong katawan at ng carbon dioxide sa baga. Ang mga produktong mula sa hemoglobin ng tao o hayop ay maaaring gamitin sa paggamot ng acute anemia o kapag nawalan ng maraming dugo.

____ Tinatanggap ko ang hemoglobin

____ Tinatanggihan ko ang hemoglobin

HEMIN—WALA PANG 2% NG PULANG SELULA

Enzyme inhibitor na mula sa hemoglobin at ginagamit sa paggamot ng isang grupo ng bihira at namamanang sakit sa dugo (tinatawag na porphyria) na nakaaapekto sa mga sistema ng panunaw,nerbiyo, at palahingahan.

____ Tinatanggap ko ang hemin

____ Tinatanggihan ko ang hemin

PUTING SELULA

INTERFERON—MALILIIT NA SANGKAP NG PUTING SELULA

Protinang panlaban sa ilang kanser at impeksiyon na dulot ng virus. Karamihan ng interferon ay hindi mula sa dugo. Ang ilan ay gawa sa maliliit na sangkap ng puting selula ng dugo ng tao.

____ Tinatanggap ko ang interferon na mula sa dugo

____ Tinatanggihan ko ang interferon na mula sa dugo

PLATELET

Sa ngayon, walang fractions mula sa platelet ang inihihiwalay para tuwirang ipanggamot.

WORK SHEET 2

ANG IYONG PERSONAL NA PASIYA
PAGGAMOT NA GINAGAMITAN NG SARILI MONG DUGO
TAWAG SA PAGGAMOT	ANG NAGAGAWA NITO	Mga Bagay na Dapat Mong Pagpasiyahan (Baka gusto mong kausapin muna ang iyong doktor bago mo tanggapin o tanggihan ang alinman sa paggamot na ito.)
CELL SALVAGE	Binabawasan ang pagdurugo. Kinukuha ang dugo mula sa sugat o body cavity habang inoopera. Nililinis o sinasala ito at ibinabalik sa pasyente, marahil nang hindi napuputol ang proseso.	____ Tinatanggap ko ____ Baka tanggapin koc ____ Tinatanggihan ko
HEMODILUTION	Binabawasan ang pagdurugo. Habang inoopera, ang dugo ay inililihis patungo sa mga bag at pinapalitan ng mga volume expander na hindi dugo. Kaya ang dugong natitira sa pasyente habang inoopera ay lumalabnaw, yamang mas kaunti na ang pulangselula ng dugo. Habang inoopera o pagkatapos ng operasyon, ang inilihis na dugo ay ibinabalik sa pasyente.	____ Tinatanggap ko ____ Baka tanggapin kod ____ Tinatanggihan ko
HEART-LUNG MACHINE	Itinutuloy ang sirkulasyon. Ang dugo ay inililihis sa isang artipisyal na heart-lung machine kung saan ito nilalagyan ng oksiheno at ibinabalik sa pasyente.	____ Tinatanggap ko ____ Baka tanggapin koe ____ Tinatanggihan ko
DIALYSIS	Gumagana bilang sangkap ng katawan. Sa hemodialysis, dumaraan ang dugo sa makina na naglilinis at sumasala rito bago ito ibalik sa pasyente.	____ Tinatanggap ko ____ Baka tanggapin kof ____ Tinatanggihan ko
EPIDURAL BLOOD PATCH	Inihihinto ang pag-agas ng likido mula sa gulugod. Itinuturok ang kaunting dugo mismo ng pasyente sa membrane na nakapalibot sa gulugod. Ginagamit ito para isara ang butas na nilalabasan ng likido mula sa gulugod.	____ Tinatanggap ko ____ Baka tanggapin kog ____ Tinatanggihan ko
PLASMAPHERESIS	Panggamot sa sakit. Kumukuha ng dugo at sinasala ito para alisin ang plasma. Dinaragdagan ito ng panghaliling plasma at saka ibinabalik ang dugo sa pasyente. May mga doktor na gumagamit ng plasma mula sa ibang tao para ihalili sa plasma ng dugo ng pasyente mismo. Kung ganito ang gagawin, hindi ito tatanggapin ng isang Kristiyano.ng isang Kristiyano.	____ Tinatanggap ko ____ Baka tanggapin koh ____ Tinatanggihan ko
LABELING OR TAGGING	Pandiyagnosis o panggamot sa sakit. Kumukuha ng dugo, inihahalo sa gamot, at ibinabalik sa pasyente. Maaaring iba-iba ang haba ng panahong nasa labas ng katawan ang dugo.	____ Tinatanggap ko ____ Baka tanggapin koi ____ Tinatanggihan ko
PLATELET GEL; AUTOLOGOUS (IBIG SABIHIN “GALING SA SARILI MONG DUGO”)	Isinasara nito ang sugat, binabawasan ang pagdurugo. Kumukuha ng dugo at inaalis ang ibang sangkap nito para platelet at puting selula na lamang ang matira. Ang likidong ito ay inilalagay sa sugat o bahagi ng katawan na inoopera. Pansinin: Sa ilang pormulasyon, gumagamit ng clotting factor na mula sa dugo ng baka.	____ Tinatanggap ko ____ Baka tanggapin koj ____ Tinatanggihan ko

c d e f g h i j Pansinin: Hindi pare-pareho ang paggamit ng mga doktor sa paraan ng paggamot na nasa ibaba. Dapat mong hilingin sa iyong doktor na ipaliwanag kung ano ang eksaktong ginagawa sa bawat paraan ng paggamot para matiyak mo na ayon ito sa mga simulain ng Bibliya at sa iyong mga pasiyang batay sa iyong budhi.