ARALIN 7

Tumpak at Nakakakumbinsi

Lucas 1:3

KUNG ANO ANG GAGAWIN: Gumamit ng mapagkakatiwalaang mga ebidensiya para matulungan ang mga tagapakinig na makabuo ng tamang konklusyon.

Gumamit ng mapagkakatiwalaang reperensiya. Ibatay sa Salita ng Diyos ang mga sasabihin mo; basahin mo mismo ang nasa Bibliya hangga’t maaari. Kung may babanggitin ka tungkol sa siyensiya, isang balita, isang karanasan, o iba pang ebidensiya, tiyakin mong mapagkakatiwalaan at bago ang reperensiya mo.
Gamitin ang reperensiya sa tamang paraan. Ipaliwanag ang mga teksto ayon sa konteksto nito, kabuoang mensahe ng Bibliya, at sa sinasabi ng mga publikasyong mula sa “tapat at maingat na alipin.” (Mat. 24:45) Gamitin ang mga reperensiyang hindi salig sa Bibliya ayon sa konteksto ng mga ito at intensiyon ng manunulat.

Huwag daragdagan o sosobrahan ang mga detalye at numero. Maging maingat para ang “ilang tao” ay hindi mo masabing “karamihan sa mga tao,” ang “kung minsan” ay hindi maging “palagi,” at ang “posible” ay hindi maging “malamang.”
Mangatuwiran batay sa ebidensiya. Pagkatapos magbasa ng isang teksto o bumanggit ng isang reperensiya, gumamit ng mataktikang mga tanong o paglalarawan para matulungan ang mga tagapakinig na makabuo ng sarili nilang konklusyon.