Epektibong Konklusyon

Eclesiastes 12:13, 14

KUNG ANO ANG GAGAWIN: Sa pagtatapos ng pahayag o presentasyon mo, tulungan ang mga tagapakinig na tanggapin at isabuhay ang mga natutuhan nila.

KUNG PAANO ITO GAGAWIN:

• Iugnay ang konklusyon mo sa pangunahing paksa. Ulitin o sabihin sa ibang paraan ang pangunahing mga punto at tema.

• Antigin ang mga tagapakinig. Ipakita sa mga tagapakinig kung ano ang dapat gawin, at magbigay ng magagandang dahilan kung bakit dapat itong gawin. Ipakita sa iyong pagsasalita na talagang naniniwala ka sa sinasabi mo at na mahalaga iyon.

• Gawing simple at maikli ang konklusyon mo. Huwag magpasok ng bagong pangunahing punto. Sa pinakamaikling paraan na magagawa mo, muling himukin ang mga tagapakinig mo na kumilos.