Ang Aklat ng Diyos—Isang Kayamanan

1. Mayro’ng aklat na may dalang pag-asa;

Dulot sa tao ay kagalakan.

Kahanga-hanga ang kapangyarihan

Mga “bulag” naliliwanagan.

Ito ay ang Banal na Kasulatan—

Aklat ng Diyos na ’pinasulat niya

Sa mga umiibig sa kaniya at

Ginabayan ng espiritu niya.

2. Ang paglikha ng Diyos ay iniulat,

Nang ang lahat ay kaniyang ginawa.

Ang tao no’n ay ’di makasalanan,

Ngunit ang Paraiso’y nawala.

Sinabi na isang anghel sa langit

Ang humamon sa Diyos at sumuway.

Dulot ay pagdurusa’t kasalanan,

Ngunit kay Jehova ang tagumpay.

3. Ngayon ay panahon ng kagalakan:

Namamahala na’ng Kaharian.

Ito ay ating ipinangangaral,

Pag-asa’t pagpapala ang laan.

Sa aklat niya ito ay mababasa;

Saganang ’spirituwal na pagkain.

Dulot ay tunay na kapayapaan;

Kayamanang dapat na basahin.