ANG PINAGMULAN NG MGA BANSA

ANG buong sangkatauhan ay nagmula sa unang mag-asawa, sina Adan at Eva. (Gen 1:28; 3:20; 5:1, 2) Pagkatapos ng Baha, ang bagong populasyon ng lupa, kabilang ang lahat ng lahi at liping pambansa sa lupa sa ngayon, ay nagmula kay Noe sa pamamagitan ng kaniyang tatlong anak at ng kani-kanilang mga asawa, na mga nakaligtas sa pangglobong Delubyo. Sa gayon, pagkatapos itala ang 70 supling ng mga anak ni Noe, sinasabi sa ulat ng Genesis: “Mula sa mga ito ay nangalat sa lupa ang mga bansa.”​—Gen 10:32.