PAGBABAWAL

Ang salitang ito ay ginamit sa ilang makabagong bersiyon (JB, NE, NW) bilang salin ng Hebreong cheʹrem, na isinalin din sa Bagong Sanlibutang Salin bilang “bagay na nakatalaga sa pagkapuksa.” Ang salitang Hebreong ito ay tumutukoy sa isang bagay na itinalaga sa Diyos anupat hindi na mababawi at hindi na matutubos pa at sa gayo’y ibinukod para sa sagradong layunin, ngunit pinakamalimit itong gamitin may kaugnayan sa mga bagay na ibinukod ukol sa lubusang pagkapuksa. Maaari itong ikapit sa isang indibiduwal. (Exo 22:20; ganito ang mababasa sa JB: “Ang sinumang maghahain sa ibang mga diyos ay mapapasailalim sa pagbabawal [“itatalaga sa pagkapuksa,” NW]”; Lev 27:29) O maaari itong kumapit sa kaniyang mga pag-aari (Ezr 10:8); sa isang hayop, sa isang bukid, o sa anumang bagay na itinalaga ukol sa sagradong layunin (Lev 27:21, 28); o sa isang buong lunsod at sa lahat ng bagay na naroroon.​—Deu 13:15-17; Jos 6:17.

Ang sagradong mga pagbabawal ay itinatampok sa ilang hula. (Mik 4:13; Zac 14:11) Para sa kumpletong pagtalakay hinggil sa paksang ito, tingnan ang NAKATALAGANG BAGAY.