MAGING MAHUSAY SA MINISTERYO | MAGING MAS MASAYA SA MINISTERYO
Tulungan ang mga Bible Study na Dumalo ng mga Pulong
Mahalagang bahagi ng dalisay na pagsamba ang mga pulong sa kongregasyon. (Aw 22:22) Ang lahat ng nagtitipon para sumamba kay Jehova ay nagiging masaya at pinagpapala. (Aw 65:4) Kadalasan nang mas mabilis sumulong ang mga Bible study kung lagi silang dumadalo sa pulong.
Paano mo tutulungan ang mga Bible study mo na dumalo sa pulong? Lagi silang imbitahang dumalo. Ipapanood sa kanila ang video na Ano’ng Mayroon sa Kingdom Hall? Ipaliwanag sa kanila kung bakit mahalagang dumalo sa pulong. (lff aralin 10) Puwede mong ikuwento ang isang punto na natutuhan mo sa pulong o sabihin ang mga puwede nilang abangan sa susunod na pulong. Bigyan ang mga Bible study mo ng mga publikasyong pag-aaralan sa pulong. Magbigay rin ng praktikal na tulong. Baka kailangan nila ng masasakyan. Sulit ang lahat ng pagsisikap mo kapag tinulungan mo ang mga Bible study mo na dumalo sa pulong sa unang pagkakataon.—1Co 14:24, 25.
PANOORIN ANG VIDEO NA TULUNGAN ANG IYONG MGA BIBLE STUDY NA DUMALO NG MGA PULONG. PAGKATAPOS, SAGUTIN ANG SUMUSUNOD NA MGA TANONG:
Anong pagkakataon ang sinamantala ni Neeta para imbitahan si Joy na dumalo sa pulong?
Bakit masaya tayo kapag dumalo ang isang Bible study sa pulong?
“Talagang nasa gitna ninyo ang Diyos”
Ano ang naramdaman ni Joy sa unang pagdalo niya sa pulong?