10 L’ɔkɔngɔ wa laasɔ, ana w’apami w’Arɔna, Nadaba nde la Abihu,+ onto l’onto akɔshi ɛngɔ kande ka mɛmbaka dja, akadje dja lɔkɔ ndo akadje tshɔ+ lɔkɔ. Ko vɔ wakalambola olambo* wakiwɔ komonga la lotshungɔ la nambola+ la ntondo ka Jehowa, dui diakinde kombadjangɛ dia vɔ nsala.

18 Vɔ wakatokomɛ nkumekanga Uziya ndo wakawotɛ vate: “Uziya, bu dimɛna dia wɛ tshumbɛ Jehowa tshɔ!+ Ɛlɔmbɛdi eto mbahomba ntshumba tshɔ, nɛ dia vɔ mbele tokanula ta Arɔna,+ wanɛ wakakidiama. Tomba oma lo tɛmpɛlɔ k’ekila, nɛ dia wɛ amboshisha kɔlamelo ndo wɛ hatolongola lotombo nto oma le Jehowa Nzambi l’ɔtɛ wa dikambo nɛ.”

11 Dikumanyi 70 dia lo luudu la Isariyɛlɛ wakemala la ntondo kawɔ, ndo Jazaniya ɔna Shafana+ akemala l’atei awɔ. Onto la onto aki la mpanu kande ka tshɔ ndo edinga wa opumu wa tshɔ wakadɛka.+ 12 Nde akambutɛ ate: “Ɔna onto, onde wɛ ekɔ lo mɛna kɛnɛ kasala dikumanyi dia lo luudu la Isariyɛlɛ lo wodjima, onto l’onto lo mvudu ya l’etei lɛnɛ okitshami dikishi diande?* Nɛ dia vɔ mbutaka vate: ‘Jehowa hatɛnyi. Jehowa ambomɔka oma lo wodja.’”+