2 “Tɛ ase Isariyɛlɛ dia vɔ mbelakami weshasha. Kanyɔsake weshasha oma le onto tshɛ lo ndjela kɛnɛ kawotshutshuya otema ande dia mbishami.+ 3 Weshasha ɛnɛ mbayonyɔsaka oma le wɔ: Paonyi,+ mfɛsa,+ nkonga,+ 4 eshinga wa bule, eshinga wosalemi la wɛɔsa w’ebelabela, eshinga wa beela k’efula, dihɔndɔ dia linɛnɛ la dimɛna, wɛɔsa wa mbudi, 5 dikoho di’ɛkɔkɔ diambowodja dangi dia beela, dikoho dia nyama ka fɔkɛ, abaya+ w’osongo wa akasia, 6 esɔ ka tala,+ balasama dikambo dia esɔ+ k’okitelo, tshɔ+ y’opumu, 7 mbɔkɔ ya ɔniksɛ ndo mbɔkɔ nkina ya mbidja lo efodɛ*+ ndo lo ɛngɔ kalɔtawɔ lo ntolo.+

29 Apami la wamato tshɛ wele etema awɔ wakaatshutshuyaka wakelaka ɛngɔ kɛmɔtshi dikambo dia olimu wakadjanga Jehowa lo tshimbo ya Mɔsɛ dia vɔ salema. Ase Isariyɛlɛ wakelaka diangɔ sɔ le Jehowa+ oko woshasha wa la lolango.