16 Kodiake ɔkɔkɔ akɔ ndo kɔshi dikila diawɔ kele kodimɔngɛ lo wedi akɔ tshɛ wa elambwelo.+ 17 Kɔsɛsɛ ɔkɔkɔ akɔ w’omi ndo kosole ɛsɔhi+ awɔ la nsanga yawɔ, ko wɛ nkitsha kaamɛ la ɔtɛ. 18 Kotshumbe otondo w’ɔkɔkɔ akɔ w’omi dia ntutola edinga lo elambwelo. Ɔsɔ ekɔ olambo wa lotshumba dikambo dia Jehowa, olambo wele l’opumu+ wa dimɛna.* Ɔsɔ ekɔ olambo watshumbama lo dja dikambo dia Jehowa.

18 Ko nde akasukanya ɔkɔkɔ w’omi w’olambo wa lotshumba, ko Arɔna la anande w’apami wakahɛ anya awɔ l’ɔtɛ w’ɔkɔkɔ akɔ.+ 19 Oma laasɔ, Mɔsɛ akoodiake ndo akamɔngɛ dikila lo wedi akɔ tshɛ wa elambwelo. 20 Nde akasɛsɛ ɔkɔkɔ akɔ, ko Mɔsɛ akatshumbe ɔtɛ, tenyi diakandasɛsɛ ndo wata.* 21 Nde akasole ɛsɔhi la nsanga la ashi. Mɔsɛ akatshumbe ɔkɔkɔ w’otondo lo elambwelo. Ɔsɔ aki olambo wa lotshumba wele l’opumu wa dimɛna.* Ɔsɔ aki olambo watshumbama lo dja dikambo dia Jehowa, oko wakadjangɛ Jehowa Mɔsɛ.

12 Oma laasɔ, nde akadiake nyama k’olambo wa lotshumba ndo ana w’apami w’Arɔna wakawela dikila, ko nde akadimɔngɛ lo wedi akɔ tshɛ wa elambwelo.+ 13 Vɔ wakawosha tenyi di’olambo wa lotshumba kaamɛ la ɔtɛ, ko nde akaditshumbe lo elambwelo. 14 Ndo nto, nde akasole ɛsɔhi la nsanga ko akatshumbe laadiko di’olambo wa lotshumba lo elambwelo.