3 “‘Naka ngɔmbɛ mbalangande nambola oko olambo wa lotshumba, kete nde pombaka nambola ngɔmbɛ k’omi kaha la ɛkɔmɔ.+ Nde pombaka kikimɔ la lolango+ lande la ntondo ka Jehowa la soko dia luudu la dipɛma l’esanganelo.

5 Koko kanyoyange Jehowa Nzambi kanyu dihole tshɛ diayondɔsɔna dia nshikikɛ lokombo lande ndo dihole diande dia edjaselo l’atei wa waoho anyu tshɛ, ko nyu ntshɔ lɛkɔ.+ 6 Lɛkɔ mbahombanyu tɔlaka elambo anyu wa lotshumba,+ weshasha anyu, tenyi dianyu dia dikumi,+ weshasha w’oma lo anya anyu,+ elambo anyu wakanyatshike dɔkɔlɔkɔ, weshasha anyu wa la lolango+ ndo ana wa nondo wa ngɔmbɛ yanyu la w’ɛkɔkɔ anyu.+

13 Kanyosale tshɛ diaha nambola elambo anyu wa lotshumba lo dihole dikina tshɛ diayonyɛna.+ 14 Nyu pombaka nambolaka elambo anyu wa lotshumba paka lo dihole diayɔsɔna Jehowa lo ɛtshi ka nkɛtɛ kɛmɔtshi ka dioho dianyu, ndo lɛkɔ mbahombanyu salaka kɛnɛ kamomonyodjangɛ.+