27 “Kosale elambwelo la abaya+ w’osongo wa akasia. Tɔ kayale l’otale wa kubita* 5 ndo woke wa kubita 5. Elambwelo kakɔ kayale la atshuku 4 wɛdimi ndo la tanga+ dia kubita 3. 2 Kosale nseke+ lo atshuku atɔ 4. Nseke yakɔ kayonge etenyi kɛmɔtshi ka lo elambwelo ndo kokite nkonga+ lo elambwelo kakɔ.

30 “Kosale elambwelo dia tshumbaka tshɔ.+ Kokisale la abaya+ w’osongo wa akasia. 2 Tɔ pombaka monga la atshuku 4 wɛdimi, otale wa kubita* 1, woke wa kubita 1 ndo tanga dia kubita 2. Tɔ la nseke yatɔ+ kawonge ɛngɔ 1. 3 Kokite paonyi ka pudipudi laadiko diatɔ, l’emamu atɔ tshɛ ndo lo nseke yatɔ. Kosale ndo ohembo wa paonyi l’otshimbedi atɔ.