14 Ko Jehowa akomalɛ Mɔsɛ efula ndo akawotɛ ate: “Ko ɔnanyɔ Arɔna,+ onde nde bu ose Lɛwi? Dimi mbeyaka dia nde tɛkɛtaka dimɛna. Nde ekɔ lo ndjaye dia ndjohomana la yɛ. Lam’ayondokɛna, otema ande wayɔngɛnangɛna.+ 15 Ɔnkɔnɛ kosawole la nde ndo kodje ɛtɛkɛta ami l’onyɔ ande.+ Dimi layonga kaamɛ la yɛ ndo kaamɛ la nde etena kayonyosawola+ ndo dimi layonyotɛ kɛnɛ kahombanyu nsala. 16 Nde ayotɛka anto akambo w’oma le yɛ ndo ayonga yɛmba awui yayɛ, ko wɛ ayonga oko Nzambi le nde.*+

30 Arɔna akawatɛ kɛnɛ tshɛ kakatɛ Jehowa Mɔsɛ ndo nde akasale ahindo+ lo washo w’anto.

20 Miriyama laki omvutshi wa womoto ndo kadiyɔ aki Arɔna akahome ngɔmɔ la anya ande ndo wamato tshɛ wakooyele wayahome ngɔmɔ ndo wayanɔ lokombe.

30 Kodje Urimɛ la Tumimɛ*+ lo ɛngɔ kalɔtawɔ lo ntolo ka kilombo ndo diangɔ sɔ kadioyalake laadiko di’otema waki Arɔna etena kayondemalaka la ntondo ka Jehowa. Arɔna kɛmbake diangɔ diakimanyiya lo dombo di’ana w’ase Isariyɛlɛ laadiko di’otema ande la ntondo ka Jehowa tena tshɛ.