17 Lam’akɛnyi Yɔsɛfu dia lonya l’omi la she lekɔ paka l’ɔtɛ wa Efrayimɛ, dui sɔ kombɔngɛnyangɛnya. Ɔnkɔnɛ, nde akalange minya lonya la she oma l’ɔtɛ wa Efrayimɛ dia liahɛ l’ɔtɛ wa Manase.

19 Koko she akatone ndo akate ate: “Dimi mbeyaka, ɔnami, dimi mbeyaka. Nde lawɔ ayonga tshondo ya wodja ndo nde lawɔ ayonga wodja wa woke. Koko ɔna la kose ayowoleka+ ndo anande* wayonga efula oko wedja w’etondo.”+