65 Nɛ dia Jehowa akate lo dikambo diawɔ ate: “Ndooko onyake vɔ wayovɔ l’oswe.”+ Ɔnkɔnɛ, ndooko pami ka l’atei awɔ kakatshikala, onyake Kalɛba ɔna Jefune la Jashua ɔna Nuna.+

11 ‘Apami tshɛ wakatombe oma l’Edjibito wele la ɛnɔnyi oma lo 20 otsha la diko hawotɛna wodja+ wakamatshibɛ Abrahama, Isaka la Jakɔbɔ,+ nɛ dia vɔ kondjelami l’otema ɔtɔi, 12 onyake Kalɛba+ ɔna Jefune ose Kenizi la Jashua+ ɔna Nuna, nɛ dia vɔ wakayele Jehowa l’otema ɔtɔi.’+

34 “L’etena kɛsɔ tshɛ Jehowa akokaka kɛnɛ kakanyataka, ko nde akomala ndo akatshibe ate:+ 35 ‘Ndooko kaanga pami 1 ka lo lɔlɔnga la kɔlɔ lɔnɛ kayɛna wodja wa dimɛna wakamatshibe dia mbisha washɛnyu,+ 36 onyake Kalɛba ɔna Jefune. Nde ayɛna wodja akɔ. Dimi layowosha nde l’anande wodja wakandatshu lɛkɔ, nɛ dia nde akayele Jehowa la otema ɔtɔi.*+ 37 (Jehowa akayomomalɛ ndo dimi l’ɔtɛ anyu, ko nde akate ate: “Wɛ lawɔ hatɔtɔ lɔkɔ.+ 38 Jashua ɔna Nuna lemadi la ntondo kayɛ+ kayɔtɔ lo wodja akɔ.+ Keketshande,*+ nɛ dia nde kayokimanyiya ase Isariyɛlɛ dia vɔ nkita wodja akɔ.”)