17 Etena kaki Abrama la ɛnɔnyi 99, Jehowa akɛnama le nde ko akawotɛ ate: “Dimi kele Nzambi Kanga-Wolo-Tshɛ. Kɛndakɛnda lo yoho yosembwe la ntondo kami ndo ɛnya dia wɛ bu la onongo.*

7 “Dimi layolama sheke yami yele lam’asami la yɛ+ ndo la tokanula* tayɛ lo nɔnga yawɔ tshɛ dikambo dia sheke ya pondjo, dia dimi monga Nzambi kayɛ ndo ka tokanula* tayɛ.

16 ata ate: “Jehowa+ kata ate: ‘Lambotshiba lo lokombo lami dimɛ nte: Lam’ele wɛ ambosala dikambo nɛ ndo wɛ hanyimi tshɔi yayɛ y’ɔna,+ 17 dimi layokɔtshɔkɔla, layofudia tokanula* tayɛ oko tɔɔtɔ ta l’olongo ndo oko nsɛkɛ ya lɔkɔngɔ la l’omamu wa ndjale.+ Kanula* yayɛ ayɔhɔtɔla atunyi ande osomba.*+