9 Kam’akashile akambo asɔ salema, ewandji wakaye le mi ko wakambutɛ vate: “Ase Isariyɛlɛ vɔ la ɛlɔmbɛdi l’ase Lɛwi hawoyakakitodi l’ase wedja ndo la ditshelo diawɔ dia wɔnɔnyi,+ ditshelo di’ase Kanana, ase Hiti, ase Perizi, ase Jɛbusɛ, ase Amɔna, ase Mɔaba, ase Edjibito+ ndo ase Amɔra.+ 2 Vɔ wambɔsa anawɔ amɔtshi wa wamato, ko wambaatshuka ndo wambaatshukɛ anawɔ w’apami.+ Wonya ɔnɛ vɔ l’anawɔ*+ w’ekila wambɔsɔhana l’ase wedja.+ Ewandji la topita tolɛ mbamboleka nshisha kɔlamelo lo ndjasha lo akambo asɔ.”

10 Oma laasɔ, ɔlɔmbɛdi Ɛzɛra akemala ko akawatɛ ate: “Nyu nyamboshisha kɔlamelo lo ntshuka wamato w’ase wedja ekina,+ ndo lo nsala dikambo sɔ, nyu nyambofudia onongo w’Isariyɛlɛ.

14 Tanyongake la diɔtɔnganelo dia ma ma* la wanɛ wele bu ambetawudi.+ Nɛ dia diɔtɔnganelo diakɔna diele lam’asa akambo w’ɛlɔlɔ la akambo wa kɔlɔ?+ Kana losambi lakɔna lele lam’asa osase la wodjima?+