18 Koko kanyote nkumekanga ka Juda lakanyotomi dia ndjombola Jehowa kanyi nyate: “Jehowa Nzambi k’Isariyɛlɛ kata ate: ‘Lo kɛnɛ kendana l’awui wamboyoka, 19 lam’ele otema ayɛ wambonandema* ndo wɛ amboyakitshakitsha+ la ntondo ka Jehowa lam’okiyɛ kɛnɛ kakamate lo dikambo dia dihole nɛ ndo di’anto wodjashi lɔkɔ nte: Vɔ wayonga ɛngɔ ka lɔsɔkɔ ndo ka mananu, ko wɛ ambatshatsha ahɔndɔ+ ayɛ ndo ambolela la ntondo kami, dimi lawɔ lambokooka, mbata Jehowa.

13 Nde akatetemala mbɔlɔmba, ko Nde akatshutshuyama la kɛtshi ndo akoke ɔsɛngɔsɛngɔ ande wa mbooka kɛtshi, ko Nde akookaloya la Jɛrusalɛma lo lowandji lande.+ Oma laasɔ, Manase akayeya dia Jehowa kele Nzambi ka mɛtɛ.+

Etena kakandoolelɛ dia nyanga ekimanyielo, nde akooke.+

22 Ko she akatɛ ase olimu ande ate: ‘Nyela okutu woleki dimɛna esadi ndo nyɔɔlɔtshawɔ, nyɔɔlɔtsha mpɛtɛ lo lonya ndo sabata l’ekolo. 23 Ndo nyela ngɔmbɛ ka wata, nyokidiake kele tole ndo tosale fɛtɛ, 24 dikambo ɔnami ɔnɛ akavu, ko nde amboyala la lɔsɛnɔ nto;+ nde akashishɔ, ko ambɛnama.’ Ko vɔ wakatatɛ ngɛnangɛna.

13 Koko ofutshanyi w’elambo akemala lo tshalola. Nde konanga kaanga mbalɛ l’olongo ndo akayakɔmɔlaka lo ntolo, ata ate: ‘Nzambi le, onga ɔlɔlɔ le mi,* dimi otshi wa pɛkato.’+ 14 Dimi lambonyotɛ nte, lam’akakalola pami kɛsɔ lakande, nde aki onto ɔlɔlɔ oleki Ofarisɛ+ ɔsɔ. Nɛ dia onto tshɛ layadiya wayowokitshakitsha ndo onto tshɛ layakitshakitsha wayowodiya.”+