• Osambo 15:1-5
    Bible—Ekadimwelo k’andja w’oyoyo

    • 15 Jehowa le, akɔna akoka mpanga lo luudu layɛ la dipɛma?

      Akɔna akoka mbidjasɛ lo dikona diayɛ di’ekila?+

       2 Ɔnɛ lakɛndakɛnda lo yoho yaha la onongo,*+

      Latosalaka kɛnɛ kele ɔlɔlɔ+

      Ndo latotaka mɛtɛ l’otema ande.+

       3 Ɔnɛ lahamamatanyiyana la lolemi+ lande,

      Ɔnɛ lahasalɛ osekande+ dui dia kɔlɔ,

      Ndo ɔnɛ lahɔnyɔla* angɛnyi+ ande.

       4 Ɔnɛ latona onto a kɔlɔ tshɛ,+

      Koko nde mbishaka wanɛ woka Jehowa wɔma kɛnɛmɔ.

      Ɔnɛ lahatokadimɔka lo daka* diande, oyadi kaanga diɔ diekɔ kɔlɔ le nde.+

       5 Ɔnɛ lahatɔsɔndjaka falanga yande la wahɔ,+

      Ndo ɔnɛ lahalongola etshimba dia salɛ onto laha la onongo+ kɔlɔ.

      Onto tshɛ lasala awui asɔ hasutshasutshamaki pondjo.*+

  • Osambo 84:1-4
    Bible—Ekadimwelo k’andja w’oyoyo

    • 84 Ande ngandji* kokami Tabɛrnaklɛ kayɛ ka diambo lee,+

      Wɛ Jehowa kanga lolembelembe!

       2 Tshondo* yami tshɛ nomɔlomɔka,

      Eelo, dimi mbokaka nsaki k’efula,

      Ka asɛkɛ wa Jehowa.+

      Otema ami ndo emunyi ami mbidɛka Nzambi kasɛna ekoko w’ɔngɛnɔngɛnɔ.

       3 Kaanga fudu tanaka ngelo lɛkɔ

      Ndo yɛngɛnga ndjatanɛka kefu,

      Lɛnɛ akokɛyɔ anayɔ

      Suke la elambwelo kayɛ ka diambo, wɛ Jehowa kanga lolembelembe,

      Nkumekanga kami ndo Nzambi kami!

       4 Ɔngɛnɔngɛnɔ le wanɛ wadjasɛ lo luudu layɛ!+

      Vɔ tetemalaka kotombola.+ (Sela)

  • Osambo 84:10
    Bible—Ekadimwelo k’andja w’oyoyo

    • 10 Nɛ dia lushi ɔtɔi lo asɛkɛ ayɛ ndeka nshi kinunu (1 000) dihole dikina tshɛ!+

      Dimi lambɔsɔna dia memala la soko dia luudu la Nzambi kami

      Lo dihole dia mbidjasɛ lo mvudu y’apɛma y’akanga wa kɔlɔ.